is kamre mein KHwab rakkhe the kaun yahan par aaya tha

is kamre meñ ḳhvāb rakhe the kaun yahāñ par aayā thā

gum-sum raushan-dāno bolo kyā tum ne kuchh dekhā thā

andhe ghar meñ har jānib se bad-rūhoñ kī yūrish thī

bijlī jalne se pahle tak vo sab thiiñ maiñ tanhā thā

mujh se chauthī bench ke uupar kal shab jo do saa.e the

jaane kyuuñ aisā lagtā hai ik tere saa.e sā thā

sūraj ūñchā ho kar mere āñgan meñ bhī aayā hai

pahle nīchā thā to ūñche mīnāroñ par baiThā thā

maazī kī niilī chhatrī par yādoñ ke añgāre the

ḳhvāhish ke piile pattoñ par girne kā Dar baiThā thā

dil ne ghanToñ kī dhaḌkan lamhoñ meñ puurī kar Daalī

vaise anjānī laḌkī ne bas kā Time pūchhā thā

is kamre mein KHwab rakhe the kaun yahan par aaya tha

gum-sum raushan-dano bolo kya tum ne kuchh dekha tha

andhe ghar mein har jaanib se bad-ruhon ki yurish thi

bijli jalne se pahle tak wo sab thin main tanha tha

mujh se chauthi bench ke upar kal shab jo do sae the

jaane kyun aisa lagta hai ek tere sae sa tha

suraj uncha ho kar mere aangan mein bhi aaya hai

pahle nicha tha to unche minaron par baiTha tha

mazi ki nili chhatri par yaadon ke angare the

KHwahish ke pile patton par girne ka Dar baiTha tha

dil ne ghanTon ki dhaDkan lamhon mein puri kar Dali

waise anjaani laDki ne bas ka Time puchha tha