is liye bhi dukh nahin takrar ka

is liye bhī dukh nahīñ takrār kā

taar usī ne ham meñ joḌā pyaar kā

phuul ne hī ḳhaar bhejā hai mujhe

ġham kā tohfa hai diyā ġham-ḳhvār kā

zahr lagte haiñ tumhāre mīThe bol

qatl kar degā ye lahja pyaar kā

sar pahuñchtā hai hamārā daar tak

sar nahīñ jaatā kisī sardār kā

garm chaa.e pī hai terī yaad kī

tishna-lab huuñ sharbat-e-dīdār kā

chhuTTī le lī hai tumhāre vāste

kaun dekhe rāsta itvār kā

'gauhar' us kā yaum-e-paidā.ish hai ye

ye jo number hai hamārī car kā

is liye bhi dukh nahin takrar ka

tar usi ne hum mein joDa pyar ka

phul ne hi KHar bheja hai mujhe

gham ka tohfa hai diya gham-KHwar ka

zahr lagte hain tumhaare miThe bol

qatl kar dega ye lahja pyar ka

sar pahunchta hai hamara dar tak

sar nahin jata kisi sardar ka

garm chae pi hai teri yaad ki

tishna-lab hun sharbat-e-didar ka

chhuTTi le li hai tumhaare waste

kaun dekhe rasta itwar ka

'gauhar' us ka yaum-e-paidaish hai ye

ye jo number hai hamari car ka