اس لیے بھی دکھ نہیں تکرار کا

اس لیے بھی دکھ نہیں تکرار کا

تار اسی نے ہم میں جوڑا پیار کا

پھول نے ہی خار بھیجا ہے مجھے

غم کا تحفہ ہے دیا غم خوار کا

زہر لگتے ہیں تمہارے میٹھے بول

قتل کر دے گا یہ لہجہ پیار کا

سر پہنچتا ہے ہمارا دار تک

سر نہیں جاتا کسی سردار کا

گرم چائے پی ہے تیری یاد کی

تشنہ لب ہوں شربت دیدار کا

چھٹی لے لی ہے تمہارے واسطے

کون دیکھے راستہ اتوار کا

گوہرؔ اس کا یوم پیدائش ہے یہ

یہ جو نمبر ہے ہماری کار کا