اس لئے غم سے اپنی یاری ہے

اس لئے غم سے اپنی یاری ہے

چیز بخشی ہوئی تمہاری ہے

جو تری یاد میں گزاری ہے

بس وہی زندگی ہماری ہے

دل میں اس کو ذرا سمانے دو

عشق کو تو حیات ساری ہے

چاند دیکھا تو یوں لگا جیسے

شکل تو ہو بہ ہو تمہاری ہے

دل کے ارمان رہ گئے دل میں

بے قراری سی بے قراری ہے

پھیر لی ہے نگاہ کیا تم نے

زندگی پر سکوت طاری ہے

اچھا لگتا ہے ہارنا ان سے

جیتی بازی بھی ہم نے ہاری ہے

کوئی ہم درد ہے نہ ہے ساتھی

یہ بھی کیا زندگی ہماری ہے

داستاں میری سن کے وہ بولے

کتنی دلچسپ کتنی پیاری ہے

جتنی چاہو سمیٹ لو رامشؔ

اس کی رحمت کا فیض جاری ہے