is liye kam kisi se milta hai

is liye kam kisī se miltā hai

ḳhud se mil kar mujhī se miltā hai

chashm-e-girya ko dekhiyegā kabhī

dil kā dariyā isī se miltā hai

jis ko dekhā nahīñ kabhī maiñ ne

terā chehra usī se miltā hai

terī āñkheñ batā rahī haiñ mujhe

ḳhvāb meñ tū kisī se miltā hai

maiñ ne dekhā thā ḳhvāb meñ us ko

vo mirī shā.irī se miltā hai

ā.īna dekhte hī yaad aayā

merā chehra kisī se miltā hai

kuchh to ḳhūbī hai aap meñ 'tābish'

har koī aap hī se miltā hai

is liye kam kisi se milta hai

KHud se mil kar mujhi se milta hai

chashm-e-girya ko dekhiyega kabhi

dil ka dariya isi se milta hai

jis ko dekha nahin kabhi main ne

tera chehra usi se milta hai

teri aankhen bata rahi hain mujhe

KHwab mein tu kisi se milta hai

main ne dekha tha KHwab mein us ko

wo meri shairi se milta hai

aaina dekhte hi yaad aaya

mera chehra kisi se milta hai

kuchh to KHubi hai aap mein 'tabish'

har koi aap hi se milta hai