is liye KHauf aur hiras nahin

is liye ḳhauf aur hirās nahīñ

koī sarmāya mere paas nahīñ

har jagah mutma.in kiyā ḳhud ko

ab mirā dil kahīñ udaas nahīñ

chhoḌ deñ apnī apnī duniyā ko

is qadar donoñ bad-havās nahīñ

ghar ke peḌoñ se uḌ ga.e panchhī

chahchahāne kī koī aas nahīñ

jal rahīñ haiñ sabhī kī dīvāreñ

ab muñDeroñ pe koī ghaas nahīñ

ek hī rang hai mohabbat kā

ye yaqīñ hai mirā qayās nahīñ

she'r maiñ ne kahe haiñ jo 'gauhar'

vo kitāboñ kā iqtibās nahīñ

is liye KHauf aur hiras nahin

koi sarmaya mere pas nahin

har jagah mutmain kiya KHud ko

ab mera dil kahin udas nahin

chhoD den apni apni duniya ko

is qadar donon bad-hawas nahin

ghar ke peDon se uD gae panchhi

chahchahane ki koi aas nahin

jal rahin hain sabhi ki diwaren

ab munDeron pe koi ghas nahin

ek hi rang hai mohabbat ka

ye yaqin hai mera qayas nahin

she'r main ne kahe hain jo 'gauhar'

wo kitabon ka iqtibas nahin