is liye lagta hai mujhko Dar dar-o-diwar se

is liye lagtā hai mujh ko Dar dar-o-dīvār se

mujh pe hañstā hai koī shab bhar dar-o-dīvār se

tere bin maiñ ḳhaak huuñ aur mere bin tū ḳhaak hai

ghar se haiñ dīvār-o-dar aur ghar dar-o-dīvār se

ghar pe hallā boltā hai shaam ho jaane ke baa'd

ik purānī yaad kā lashkar dar-o-dīvār se

kis tarah kā shahr hai ye kis tarah ke log haiñ

pheñktā hai har koī patthar dar-o-dīvār se

yuuñ dil apnā khol kar tū 'ishq kī bāteñ na kar

ghar kisī anjān kā hai Dar dar-o-dīvār se

baiTh jaatā huuñ kisī kone meñ chhup kar is liye

ḳhauf aatā hai mujhe aksar dar-o-dīvār se

ḳhvāb ne ye chīḳh kar mujh se kahā 'yāsir-gumān’

jhāñk kar dekhā bhī kar bāhar dar-o-dīvār se

is liye lagta hai mujh ko Dar dar-o-diwar se

mujh pe hansta hai koi shab bhar dar-o-diwar se

tere bin main KHak hun aur mere bin tu KHak hai

ghar se hain diwar-o-dar aur ghar dar-o-diwar se

ghar pe halla bolta hai sham ho jaane ke ba'd

ek purani yaad ka lashkar dar-o-diwar se

kis tarah ka shahr hai ye kis tarah ke log hain

phenkta hai har koi patthar dar-o-diwar se

yun dil apna khol kar tu 'ishq ki baaten na kar

ghar kisi anjaan ka hai Dar dar-o-diwar se

baiTh jata hun kisi kone mein chhup kar is liye

KHauf aata hai mujhe aksar dar-o-diwar se

KHwab ne ye chiKH kar mujh se kaha 'yasir-guman’

jhank kar dekha bhi kar bahar dar-o-diwar se