اس لئے موسم سہانا ہو گیا

اس لئے موسم سہانا ہو گیا

چاند کے گھر آنا جانا ہو گیا

کیوں بچھڑتا ہی نہیں مجھ سے کبھی

وہ جسے بچھڑے زمانا ہو گیا

قسمتوں والا ہے یارو وہ شجر

جو پرندوں کا ٹھکانا ہو گیا

تیر کرنے کو تمہارے کامیاب

دل مرا خود ہی نشانا ہو گیا

بارہا میرا منا لینا انہیں

روٹھ جانے کا بہانا ہو گیا

ان کی آنکھوں میں رہا کرتے تھے ہم

چھوڑیے قصہ پرانا ہو گیا

ہو گیا اقرار جب انکار سے

اور بھی مشکل نبھانا ہو گیا

دل کے کونے میں چھپا رہتا تھا جو

اب وہ بچہ بھی سیانا ہو گیا