is liye shahr se logon ne nikala mujhko

is liye shahr se logoñ ne nikālā mujh ko

mil gayā thā mirā ik jānñe vaalā mujh ko

shukr allāh kā maiñ sābit-o-sālim niklā

āzmā.ish meñ to hālāt ne Daalā mujh ko

in dinoñ tez bahut charche haiñ mahrūmoñ ke

kuchh nazar aatā hai is daal meñ kaalā mujh ko

darj kar letā huuñ har din ke bahāne tere

kis tarah kaun sī tārīḳh meñ Taalā mujh ko

har taraf mujh se ta'alluq kā Dh.inDhorā piiTā

tum ne shohrat ke liye apnī uchhālā mujh ko

har guzartā huā din 'umr ghaTā detā hai

is haqīqat ne kahāñ fikr meñ Daalā mujh ko

is qadar saath añdheroñ ne diyā 'nazr' mirā

kāTne dauḌtā hai din kā ujālā mujh ko

is liye shahr se logon ne nikala mujh ko

mil gaya tha mera ek jaanne wala mujh ko

shukr allah ka main sabit-o-salim nikla

aazmaish mein to haalat ne Dala mujh ko

in dinon tez bahut charche hain mahrumon ke

kuchh nazar aata hai is dal mein kala mujh ko

darj kar leta hun har din ke bahane tere

kis tarah kaun si tariKH mein Tala mujh ko

har taraf mujh se ta'alluq ka DhinDhora piTa

tum ne shohrat ke liye apni uchhaala mujh ko

har guzarta hua din 'umr ghaTa deta hai

is haqiqat ne kahan fikr mein Dala mujh ko

is qadar sath andheron ne diya 'nazr' mera

kaTne dauDta hai din ka ujala mujh ko