اس لیے طیش آ گیا تھا مجھے
اس لیے طیش آ گیا تھا مجھے
وہ ہنسی میں اڑا گیا تھا مجھے
تب یہ کاغذ وغیرہ ہوتے نہ تھے
پتھروں پر لکھا گیا تھا مجھے
اس جگہ ٹھیک سے ذرا دیکھو
وہ یہیں پر چھپا گیا تھا مجھے
مجھ کو اس بات پر ہنسی آئی
دنیا جیسا کہا گیا تھا مجھے
رات میں اس پہ تھوڑا غصہ ہوا
اور پھر پیار آ گیا تھا مجھے
اصل میں اس طرف بلندی تھی
جس طرف تو گرا گیا تھا مجھے
جانے پھر کیا بنا کہانی کا
اژدہا ایک کھا گیا تھا مجھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
