is mein koi fareb to ai aasman nahin
is meñ koī fareb to ai āsmāñ nahīñ
bijlī vahāñ girī hai jahāñ āshiyāñ nahīñ
sayyād maiñ asiir kahūñ kis se hāl-e-dil
sirf ek tū hai vo bhī mirā ham-zabāñ nahīñ
tum ne diyā hamārī vafāoñ kā kyā javāb
ye ham vahāñ batā.eñge tum ko yahāñ nahīñ
sajde jo but-kade meñ kiye merī kyā ḳhatā
tum ne kabhī kahā ye mirā āstāñ nahīñ
gum-karda raah kī kahīñ miTTī na ho ḳharāb
gard us taraf uḌī hai jidhar kārvāñ nahīñ
kyuuñ sham-e-intizār bujhāte ho ai 'qamar'
naale haiñ ye kisī ke sahar kī azaañ nahīñ
is mein koi fareb to ai aasman nahin
bijli wahan giri hai jahan aashiyan nahin
sayyaad main asir kahun kis se haal-e-dil
sirf ek tu hai wo bhi mera ham-zaban nahin
tum ne diya hamari wafaon ka kya jawab
ye hum wahan bataenge tum ko yahan nahin
sajde jo but-kade mein kiye meri kya KHata
tum ne kabhi kaha ye mera aastan nahin
gum-karda rah ki kahin miTTi na ho KHarab
gard us taraf uDi hai jidhar karwan nahin
kyun sham-e-intizar bujhate ho ai 'qamar'
nale hain ye kisi ke sahar ki azan nahin
- Book : Rashq-e-Qamar (Pg. 16)
- Author : Qamar Jalalvi
- Publication : Navrang Kitab Ghar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
