is mohabbat mein kuchh maza bhi nahin

is mohabbat meñ kuchh mazā bhī nahīñ

jis meñ ranjish nahīñ balā bhī nahīñ

chal diye kyā jahāñ se ahl-e-vafā

aaj un kā kahīñ patā bhī nahīñ

aisā insān bhī ġhanīmat hai

jo bhalā bhī nahīñ burā bhī nahīñ

mujh se mil kar vo chal diye chup-chāp

kuchh kahā bhī nahīñ sunā bhī nahīñ

ai gulo muskurā.e jaate ho

tum ko ḳhauf-e-ḳhizāñ zarā bhī nahīñ

jis ne duniyā meñ dauḌ-dhūp na kī

us ko duniyā se kuchh milā bhī nahīñ

apnī apnī lagī hai sab ko yahāñ

ek ko ek pūchhtā bhī nahīñ

is mohabbat mein kuchh maza bhi nahin

jis mein ranjish nahin bala bhi nahin

chal diye kya jahan se ahl-e-wafa

aaj un ka kahin pata bhi nahin

aisa insan bhi ghanimat hai

jo bhala bhi nahin bura bhi nahin

mujh se mil kar wo chal diye chup-chap

kuchh kaha bhi nahin suna bhi nahin

ai gulo muskurae jate ho

tum ko KHauf-e-KHizan zara bhi nahin

jis ne duniya mein dauD-dhup na ki

us ko duniya se kuchh mila bhi nahin

apni apni lagi hai sab ko yahan

ek ko ek puchhta bhi nahin