isne dekha hai sar-e-bazm sitamgar ki tarah
is ne dekhā hai sar-e-bazm sitamgar kī tarah
phuul pheñkā bhī mirī samt to patthar kī tarah
us ke lab ko mire lab rah ga.e chhūte chhūte
maiñ bhī nākām chalā aayā sikandar kī tarah
rañg sūraj kā sar-e-shām huā jaatā hai zard
us kā bhī ghar na ho vīrān mire ghar kī tarah
dard us ahd kī mīrās hai Darnā kaisā
dard ko oḌh liyā karte haiñ chādar kī tarah
log har lamha badalte haiñ nazariye apne
zehn-e-insāñ bhī tavā.if ke hai bistar kī tarah
ab kī yūrish meñ kahīñ gir hī na jaa.e ye fasīl
shor rahtā hai mire dil meñ samundar kī tarah
kaisā is ahd meñ paimān-e-vafā log ab to
dost har saal badalte haiñ calender kī tarah
lafz aate hī mire lab pe laraz jaate haiñ
hāl-e-dil sunte haiñ ab vo kisī afsar kī tarah
vahī pābandi-e-auqāt vahī ma.amūlāt
zindagī ghar meñ basar hotī hai daftar kī tarah
ho gayā ḳhāk-nashīñ par ye jhukā.e na jhukā
kisī sar meñ bhī na saudā ho mire sar kī tarah
'anjum' is ahd meñ TuuTe hue dil ke rishte
joḌne par bhī haiñ udhḌe hue collar kī tarah
is ne dekha hai sar-e-bazm sitamgar ki tarah
phul phenka bhi meri samt to patthar ki tarah
us ke lab ko mere lab rah gae chhute chhute
main bhi nakaam chala aaya sikandar ki tarah
rang suraj ka sar-e-sham hua jata hai zard
us ka bhi ghar na ho viran mere ghar ki tarah
dard us ahd ki miras hai Darna kaisa
dard ko oDh liya karte hain chadar ki tarah
log har lamha badalte hain nazariye apne
zehn-e-insan bhi tawaif ke hai bistar ki tarah
ab ki yurish mein kahin gir hi na jae ye fasil
shor rahta hai mere dil mein samundar ki tarah
kaisa is ahd mein paiman-e-wafa log ab to
dost har sal badalte hain calender ki tarah
lafz aate hi mere lab pe laraz jate hain
haal-e-dil sunte hain ab wo kisi afsar ki tarah
wahi pabandi-e-auqat wahi mamulat
zindagi ghar mein basar hoti hai daftar ki tarah
ho gaya KHak-nashin par ye jhukae na jhuka
kisi sar mein bhi na sauda ho mere sar ki tarah
'anjum' is ahd mein TuTe hue dil ke rishte
joDne par bhi hain udhDe hue collar ki tarah
Source:
![](https://rekhta.pc.cdn.bitgravity.com/Content/Images/ebookdefault.png)
Libas-e-zakhm (Pg. 84)
- Author: Badruddin Ahmed Khan
-
- Edition: 1984
- Publisher: Anjum Irfani
- Year of Publication: 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.