is qadar aam na kar anjuman-arai ko

is qadar aam na kar anjuman-ārā.ī ko

ham taras jaa.eñ mazāq-e-ġham-e-tanhā.ī ko

āzmāyā jo kabhī us ne shakebā.ī ko

manzileñ DhūñDne niklīñ tire saudā.ī ko

sun ke rūdād-e-shab-e-hijr jo kī nīchī nazar

chaar chāñd aur lage husn kī ra.anā.ī ko

sarmadī kaif faqat ishq ke āġhāz meñ hai

koī matlab nahīñ anjām se saudā.ī ko

ab aziyyat meñ kamī aa ga.ī ai daur-e-falak

tuul kuchh aur jahān-e-shab-e-tanhā.ī ko

tū ne sayyād asīroñ ke faqat hoñT siiye

salb āñkhoñ se bhī kar quvvat-e-goyā.ī ko

ḳhalish-e-zulmat-e-anjām use kyā hogī

shab-e-tanhā.ī jo samjhe shab-e-tanhā.ī ko

is qadar aam na kar anjuman-arai ko

hum taras jaen mazaq-e-gham-e-tanhai ko

aazmaya jo kabhi us ne shakebai ko

manzilen DhunDne niklin tere saudai ko

sun ke rudad-e-shab-e-hijr jo ki nichi nazar

chaar chand aur lage husn ki ranai ko

sarmadi kaif faqat ishq ke aaghaz mein hai

koi matlab nahin anjam se saudai ko

ab aziyyat mein kami aa gai ai daur-e-falak

tul kuchh aur jahan-e-shab-e-tanhai ko

tu ne sayyaad asiron ke faqat honT siye

salb aankhon se bhi kar quwwat-e-goyai ko

KHalish-e-zulmat-e-anjam use kya hogi

shab-e-tanhai jo samjhe shab-e-tanhai ko