is qadar baDh gai adam-bardasht

is qadar baḌh ga.ī adam-bardāsht

ḳhud ko bhī ab nahīñ haiñ ham bardāsht

ham ne bardāsht jaise kī duniyā

ahl-e-duniyā kareñge kam bardāsht

muskurā kar hameñ pilā to sahī

muskurā kar kareñge sam bardāsht

karte ho is liye sitam shāyad

ham se hogā nahīñ karam bardāsht

ek ḳhāliq ko mānñe vaale

kis tarah kar ga.e sanam bardāsht

jin ko patthar uThā nahīñ paa.e

kar liye ham ne vo bhī ġham bardāsht

vo jo ḳhanjar-qubūl siine the

un se hotā nahīñ qalam bardāsht

is qadar baDh gai adam-bardasht

KHud ko bhi ab nahin hain hum bardasht

hum ne bardasht jaise ki duniya

ahl-e-duniya karenge kam bardasht

muskura kar hamein pila to sahi

muskura kar karenge sam bardasht

karte ho is liye sitam shayad

hum se hoga nahin karam bardasht

ek KHaliq ko manne wale

kis tarah kar gae sanam bardasht

jin ko patthar uTha nahin pae

kar liye hum ne wo bhi gham bardasht

wo jo KHanjar-qubul sine the

un se hota nahin qalam bardasht