اس قدر بھی دکھی نہیں تھے ہم
اس قدر بھی دکھی نہیں تھے ہم
جیسے اب ہیں کبھی نہیں تھے ہم
دوسرا اس کو مل گیا کوئی
آخری آدمی نہیں تھے ہم
ہر ضرورت کی ایک قیمت تھی
اور اتنے دھنی نہیں تھے ہم
کیسے چاہت کسی کو دے دیتے
یار اتنے سخی نہیں تھے ہم
کیسے دامن بچاتے دنیا سے
آدمی متقی نہیں تھے ہم
جو تصور تھا اس کے خوابوں میں
ہو بہ ہو کیا وہی نہیں تھے ہم
اب تو مشکورؔ ایسا لگتا ہے
تیرے دل میں کبھی نہیں تھے ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
