is qadar hasti-e-mauhum se sharmata hun

is qadar hasti-e-mauhūm se sharmātā huuñ

zikr jiine kā jo aatā hai to mar jaatā huuñ

maut ne kitne bakheḌoñ se chhuḌāyā mujh ko

na taḌaptā huuñ na rotā huuñ na chillātā huuñ

kaam mujh se nahīñ hotā koī juz jurm-o-gunāh

mehnat-e-kātib-e-a.amāl se sharmātā huuñ

ek ḳhat yaar ko likhtā huuñ jo betābī meñ

dūsrā kātib-e-a.amāl se likhvātā huuñ

ek hamdard nahīñ ālam-e-tanhā.ī meñ

mujh ko samjhātā hai dil dil ko maiñ samjhātā huuñ

is qadar hasti-e-mauhum se sharmata hun

zikr jine ka jo aata hai to mar jata hun

maut ne kitne bakheDon se chhuDaya mujh ko

na taDapta hun na rota hun na chillata hun

kaam mujh se nahin hota koi juz jurm-o-gunah

mehnat-e-katib-e-amal se sharmata hun

ek KHat yar ko likhta hun jo betabi mein

dusra katib-e-amal se likhwata hun

ek hamdard nahin aalam-e-tanhai mein

mujh ko samjhata hai dil dil ko main samjhata hun