اس قدر خود پہ ہم جفا نہ کریں
اس قدر خود پہ ہم جفا نہ کریں
جسم کو جان سے جدا نہ کریں
اشک از چشم من جدا نشود
آپ ایسی کبھی دعا نہ کریں
آؤ عہد وفا کریں دونوں
اور عہد وفا وفا نہ کریں
پھول بن کر مہکنے لگتے ہیں
آپ زخموں کو یوں چھوا نہ کریں
دور مانا زمین ہے اس سے
آسماں سے مگر کہا نہ کریں
اور بھی کچھ مزید دہکے گی
آگ کو یوں ہوا دیا نہ کریں
کیسے بھولیں گے مجھ کو ان سے کہو
ذکر اتنا مرا کیا نہ کریں
ہم بھی انسان ہیں فرشتے نہیں
یہ تو ممکن نہیں خطا نہ کریں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
