is qadar ruswaiyon ki garm-bazari na thi

is qadar rusvā.iyoñ kī garm-bāzārī na thī

thī anā paspā magar aisī bhī paspā.ī na thī

thī magar mahrūmiyoñ kī ye farāvānī na thī

aarzū kī kachchī kaliyoñ kī ye pāmālī na thī

maiñ bhī āġhāz-e-safar meñ tum se kuchh kam ḳhush na thā

ye hai anjām-e-safar mujh ko bhī āgāhī na thī

thī abhī merī palak jhapke pe dekhā aur kī

zindagī kal bhī thī lekin itnī harjā.ī na thī

tap rahā thā kis qadar pūchho na barfīlā badan

aag ke andar bhī shāyad aisī chingārī na thī

dil se āñkhoñ tak vahī be-manzarī kā silsila

laal piile kī hare kī garche nāyābī na thī

band kamra pur-sukūñ māhaul sākit bām-o-dar

is qadar shāyad hasīñ pahle ye tanhā.ī na thī

is qadar ruswaiyon ki garm-bazari na thi

thi ana paspa magar aisi bhi paspai na thi

thi magar mahrumiyon ki ye farawani na thi

aarzu ki kachchi kaliyon ki ye pamali na thi

main bhi aaghaz-e-safar mein tum se kuchh kam KHush na tha

ye hai anjam-e-safar mujh ko bhi aagahi na thi

thi abhi meri palak jhapke pe dekha aur ki

zindagi kal bhi thi lekin itni harjai na thi

tap raha tha kis qadar puchho na barfila badan

aag ke andar bhi shayad aisi chingari na thi

dil se aankhon tak wahi be-manzari ka silsila

lal pile ki hare ki garche nayabi na thi

band kamra pur-sukun mahaul sakit baam-o-dar

is qadar shayad hasin pahle ye tanhai na thi