is se baDh kar ye muqaddar na sanwarna chahe

is se baḌh kar ye muqaddar na sañvarnā chāhe

bas ye hasrat hai ki mujh par koī marnā chāhe

rāsta rok liyā karte haiñ bādal us kā

chāñd jab bhī mire āñgan meñ utarnā chāhe

Thes lagtī hai usī vaqt hamesha mujh ko

dil ke zaḳhmoñ meñ koī zaḳhm jo bharnā chāhe

hāl-e-dil kaise sunā.ūñ maiñ use ai yaaro

mere jazbāt kī jo qadr na karnā chāhe

TūTte TūTte ab aaj mirī āñkhoñ meñ

ek hī ḳhvāb magar vo bhī bikharnā chāhe

kaañp jaatā hai musavvir kā qalam ai 'tashna'

rañg jab bhī mirī tasvīr meñ bharnā chāhe

is se baDh kar ye muqaddar na sanwarna chahe

bas ye hasrat hai ki mujh par koi marna chahe

rasta rok liya karte hain baadal us ka

chand jab bhi mere aangan mein utarna chahe

Thes lagti hai usi waqt hamesha mujh ko

dil ke zaKHmon mein koi zaKHm jo bharna chahe

haal-e-dil kaise sunaun main use ai yaro

mere jazbaat ki jo qadr na karna chahe

TuTte TuTte ab aaj meri aankhon mein

ek hi KHwab magar wo bhi bikharna chahe

kanp jata hai musawwir ka qalam ai 'tashna'

rang jab bhi meri taswir mein bharna chahe