is se behtar kahin gunjta kaun hai

is se behtar kahīñ gūñjtā kaun hai

dil ke jitnā yahāñ khokhlā kaun hai

ye shikāyat nahīñ terī tārīf hai

jaise bhūlī hai tū bhūltā kaun hai

dar pe dastak to hotī hai āvāz par

terī aatī nahīñ dekhnā kaun hai

tum to ḳhush thiiñ sagā.ī kī tasvīr meñ

phir ye mujh meñ taḌaptā huā kaun hai

jiit ke baa'd hotā hai ye faisla

kaun dānav hai aur devtā kaun hai

āj-kal fikr kal kī kisī ko nahīñ

kal ki mānind ab sochtā kaun hai

aur to baaqī nahīñ kuchh bhī khanDar meñ bas

dekhne ko bachā hai jalā kaun hai

thā gumāñ sokh letī haiñ ashkoñ ko ye

yūñhī palkeñ bhalā nochtā kaun hai

merā honā subūt us ke hone kā hai

soch 'anant' asliyat meñ ḳhudā kaun hai

is se behtar kahin gunjta kaun hai

dil ke jitna yahan khokhla kaun hai

ye shikayat nahin teri tarif hai

jaise bhuli hai tu bhulta kaun hai

dar pe dastak to hoti hai aawaz par

teri aati nahin dekhna kaun hai

tum to KHush thin sagai ki taswir mein

phir ye mujh mein taDapta hua kaun hai

jit ke ba'd hota hai ye faisla

kaun danaw hai aur dewta kaun hai

aaj-kal fikr kal ki kisi ko nahin

kal ki manind ab sochta kaun hai

aur to baqi nahin kuchh bhi khanDar mein bas

dekhne ko bacha hai jala kaun hai

tha guman sokh leti hain ashkon ko ye

yunhi palken bhala nochta kaun hai

mera hona subut us ke hone ka hai

soch 'anant' asliyat mein KHuda kaun hai