اس سے پہلے اس طرح گھر کو سجایا تو نہیں

اس سے پہلے اس طرح گھر کو سجایا تو نہیں

دیکھنا دروازے کے باہر وہ آیا تو نہیں

دور پاس آنکھوں میں کوئی شہر بس آیا ہے پھر

یہ کسی ویرانیٔ نو کا کنایہ تو نہیں

اس جگہ روشن ہے شاخ دل پہ جو خورشید سا

وہ گذشتہ رت کا کوئی پھول سایہ تو نہیں

ہاں بہت مغموم تھا کل رات تیرے دھیان میں

جاں چراغ یاد کو لیکن بجھایا تو نہیں

ہاں ہر اک خوش چہرہ کو دل کھول کر دیتا ہوں داد

چہرۂ سادہ پہ کوئی تجھ سا بھایا تو نہیں

تو بہت رویا ہے میری یاد میں اور روئے گا

اے وفا پیشہ مگر میں مسکرایا تو نہیں