is se pahle ki hamein ahl-e-jafa ruswa karen

is se pahle ki hameñ ahl-e-jafā rusvā kareñ

apnī jaañ de kar vafā karne kā ham va.ada kareñ

aao shabnam kī tarah ban jaa.eñ taqdīr-e-chaman

kyuuñ kalī ban kar khileñ aur khil ke murjhāyā kareñ

gulshan-e-hastī meñ ham sāvan ke bādal kī tarah

jhuum kar uTThā kareñ aur TuuT kar barsā kareñ

ḳhāka-e-ulfat meñ ḳhuuñ bharnā thā ham ne bhar diyā

log ham ko bā-vafā yā be-vafā samjhā kareñ

apnī āñkhoñ kā samundar bah ke to ḳhāmosh hai

dil ke andar kī sulagtī aag ko ham kyā kareñ

ek hī chullū hai kaafī ahl-e-ġhairat ke liye

Duub marne ke liye kyuuñ ḳhvāhish-e-dariyā kareñ

kho ke kyā paayā hai ham ne pā ke kyā kuchh kho diyā

aa.ine meñ vaqt ke saaqī ye andāza kareñ

is se pahle ki hamein ahl-e-jafa ruswa karen

apni jaan de kar wafa karne ka hum wada karen

aao shabnam ki tarah ban jaen taqdir-e-chaman

kyun kali ban kar khilen aur khil ke murjhaya karen

gulshan-e-hasti mein hum sawan ke baadal ki tarah

jhum kar uTTha karen aur TuT kar barsa karen

KHaka-e-ulfat mein KHun bharna tha hum ne bhar diya

log hum ko ba-wafa ya be-wafa samjha karen

apni aankhon ka samundar bah ke to KHamosh hai

dil ke andar ki sulagti aag ko hum kya karen

ek hi chullu hai kafi ahl-e-ghairat ke liye

Dub marne ke liye kyun KHwahish-e-dariya karen

kho ke kya paya hai hum ne pa ke kya kuchh kho diya

aaine mein waqt ke saqi ye andaza karen