is se pahle ki kuchh bola jae

is se pahle ki kuchh bolā jaa.e

baat ko zehn meñ tolā jaa.e

raaz phir raaz nahīñ rahtā hai

rāz-e-dil sab se na kholā jaa.e

aib kitne hī dikheñge ham ko

apne man ko jo TaTolā jaa.e

man kī parvāz bahut hai ūñchī

duur tak man kā hiñDolā jaa.e

rishte bante haiñ madhur tab 'ambar'

pyaar kā rañg jo gholā jaa.e

is se pahle ki kuchh bola jae

baat ko zehn mein tola jae

raaz phir raaz nahin rahta hai

raaz-e-dil sab se na khola jae

aib kitne hi dikhenge hum ko

apne man ko jo TaTola jae

man ki parwaz bahut hai unchi

dur tak man ka hinDola jae

rishte bante hain madhur tab 'ambar'

pyar ka rang jo ghola jae