is se pahle ki mera zehn sanbhaale mujhko

is se pahle ki merā zehn sañbhāle mujh ko

ye tirī sāda-dilī maar na Daale mujh ko

niiñd kar detī hai ḳhvāboñ ke havāle mujh ko

band āñkhoñ se bhī dikhte haiñ ujāle mujh ko

muntazir huuñ vo kisī taur mujhe yaad kare

facebōk meñ hī sahī DhūñD nikāle mujh ko

dekhtā huuñ baḌī ummīd se duniyā kī taraf

mausam-e-hijr se koī to bachā le mujh ko

ek din tujh ko dikhā.ūñgā maiñ din meñ taare

tab talak zindagī chāhe to nachā le mujh ko

is se pahle ki mera zehn sanbhaale mujh ko

ye teri sada-dili mar na Dale mujh ko

nind kar deti hai KHwabon ke hawale mujh ko

band aankhon se bhi dikhte hain ujale mujh ko

muntazir hun wo kisi taur mujhe yaad kare

facebook mein hi sahi DhunD nikale mujh ko

dekhta hun baDi ummid se duniya ki taraf

mausam-e-hijr se koi to bacha le mujh ko

ek din tujh ko dikhaunga main din mein tare

tab talak zindagi chahe to nacha le mujh ko