is se pahle ki naya phir koi hamla ho jae
is se pahle ki nayā phir koī hamla ho jaa.e
jāgte rahiye yahāñ tak ki saverā ho jaa.e
ḳhud ko har samt se paanī meñ ghirā paatā huuñ
mujh pe allāh kare pyaas kā ġhalba ho jaa.e
jism meñ jism chhupā liije ki us se pahle
ThanD baḌh jaa.e havā kā koī hamla ho jaa.e
kab se vo sañg liye phirtā hai bechain udaas
aaj ai kaash mirā jism bhī shīsha ho jaa.e
roz har chehra nayā har na.ī poshāk ke saath
kaise har koī 'zafar' aap ke jaisā ho jaa.e
is se pahle ki naya phir koi hamla ho jae
jagte rahiye yahan tak ki sawera ho jae
KHud ko har samt se pani mein ghira pata hun
mujh pe allah kare pyas ka ghalba ho jae
jism mein jism chhupa lije ki us se pahle
ThanD baDh jae hawa ka koi hamla ho jae
kab se wo sang liye phirta hai bechain udas
aaj ai kash mera jism bhi shisha ho jae
roz har chehra naya har nai poshak ke sath
kaise har koi 'zafar' aap ke jaisa ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
