is se pahle ki sar-e-KHak main muhmal ho jaun

is se pahle ki sar-e-ḳhāk maiñ muhmal ho jā.ūñ

yuuñ jalāo ki kisī aañkh kā kājal ho jā.ūñ

mujh ko mat chhoḌ ki hoñ terī hī quvvat pe savāl

vaar kar itnā kam-az-kam ki maiñ ghāyal ho jā.ūñ

mujh ko jiine hī nahīñ dete mire hosh-o-havās

tū du'ā kar ki kisī tarh maiñ pāgal ho jā.ūñ

ik pahelī huuñ mujhe soch bhale jaisā soch

chāhtā huuñ ki kisī tarh se maiñ hal ho jā.ūñ

soch agar phūTne lag jaa.eñ badan se shāḳheñ

aur maiñ dekhte hī dekhte jangal ho jā.ūñ

saañs letā huā ye jism adhūrā hai mirā

tū agar haath lagā de to mukammal ho jā.ūñ

pyaar ab bhī hai tujhe mujh se is ik jhūTh se maiñ

ḳhud ko phuslātā huuñ varna to maiñ pāgal ho jā.ūñ

is se pahle ki sar-e-KHak main muhmal ho jaun

yun jalao ki kisi aankh ka kajal ho jaun

mujh ko mat chhoD ki hon teri hi quwwat pe sawal

war kar itna kam-az-kam ki main ghayal ho jaun

mujh ko jine hi nahin dete mere hosh-o-hawas

tu du'a kar ki kisi tarh main pagal ho jaun

ek paheli hun mujhe soch bhale jaisa soch

chahta hun ki kisi tarh se main hal ho jaun

soch agar phuTne lag jaen badan se shaKHen

aur main dekhte hi dekhte jangal ho jaun

sans leta hua ye jism adhura hai mera

tu agar hath laga de to mukammal ho jaun

pyar ab bhi hai tujhe mujh se is ek jhuTh se main

KHud ko phuslata hun warna to main pagal ho jaun