is se pahle to pur-yaqin bhi na the

is se pahle to pur-yaqīñ bhī na the

par gumāñ dil meñ jāguzīñ bhī na the

dil to maujūd thā vahīñ pe magar

aur ham jism meñ kahīñ bhī na the

tere aane se peshtar duniyāñ

ham yahāñ ke kabhī makīñ bhī na the

tum ko dekhā to ho ga.e raushan

varna chehre pe mah-jabīñ bhī na the

tum ne to āsmāñ kahā hai hameñ

yaar ham log to zamīñ bhī na the

ham ne 'ātif' gumāñ ziyāda kiyā

log apne magar hasīn bhī na the

is se pahle to pur-yaqin bhi na the

par guman dil mein jaguzin bhi na the

dil to maujud tha wahin pe magar

aur hum jism mein kahin bhi na the

tere aane se peshtar duniyan

hum yahan ke kabhi makin bhi na the

tum ko dekha to ho gae raushan

warna chehre pe mah-jabin bhi na the

tum ne to aasman kaha hai hamein

yar hum log to zamin bhi na the

hum ne 'atif' guman ziyaada kiya

log apne magar hasin bhi na the