is shahr-e-be-niyaz ke logon ki KHu na puchh

is shahr-e-be-niyāz ke logoñ kī ḳhū na pūchh

kis kis adā se karte haiñ dil kā lahū na pūchh

ahl-e-vafā kī karte haiñ kyā kyā ye ḳhātireñ

ḳhud mil ke un ko dekh kabhī mujh se tū na pūchh

lagtī haiñ har galī meñ mohabbat kī boliyāñ

biktī yahāñ hai jins-e-vafā kū-ba-kū na pūchh

ik aan meñ hī dil kā jazīra jhulas gayā

shahr-e-badan meñ aisī chalī ġham kī lau na pūchh

āb-e-hayāt se bhī kaḌā hai tirā husūl

maiñ phir bhī terī kartā huuñ kyoñ justujū na pūchh

'nāsir' tumhārī zaat kī ḳhātir jahān meñ

kis kis ko maiñ ne apnā kiyā hai adū na pūchh

is shahr-e-be-niyaz ke logon ki KHu na puchh

kis kis ada se karte hain dil ka lahu na puchh

ahl-e-wafa ki karte hain kya kya ye KHatiren

KHud mil ke un ko dekh kabhi mujh se tu na puchh

lagti hain har gali mein mohabbat ki boliyan

bikti yahan hai jins-e-wafa ku-ba-ku na puchh

ek aan mein hi dil ka jazira jhulas gaya

shahr-e-badan mein aisi chali gham ki lau na puchh

aab-e-hayat se bhi kaDa hai tera husul

main phir bhi teri karta hun kyon justuju na puchh

'nasir' tumhaari zat ki KHatir jahan mein

kis kis ko main ne apna kiya hai adu na puchh