is shahr-e-be-wafa se sharik-e-wafa na mang

is shahr-e-be-vafā se sharīk-e-vafā na maañg

mirzā yahāñ tū apne liye sāhibā na maañg

ye mashvara hai merā abhī dil-rubā na maañg

ho jā.egā ġhurūr tujhe aa.ina na maañg

ye rāh-e-bandagī hai ise sahl mat samajh

duniyā kī gar talab hai tujhe to ḳhudā na maañg

ham ne tujhe hamesha sar āñkhoñ pe hai rakhā

ġhairoñ ke dil meñ apne liye tū jagah na maañg

vo hai sabab maraz kā miyāñ chārāgar nahīñ

us zahr dene vaale se koī davā na maañg

jo de rahā hai ġham vahī ḳhushiyoñ kī vaj.h thā

us ke liye ḳhudā se koī bhī sazā na maañg

nazroñ se mai pilānā to ehsān thā tirā

mujh se koī hisāb mire sāqiyā na maañg

dariyā meñ tū bahā de sabhī nekiyāñ 'amit'

achchhā.iyoñ kā apnī kisī se sila na maañg

is shahr-e-be-wafa se sharik-e-wafa na mang

mirza yahan tu apne liye sahiba na mang

ye mashwara hai mera abhi dil-ruba na mang

ho jaega ghurur tujhe aaina na mang

ye rah-e-bandagi hai ise sahl mat samajh

duniya ki gar talab hai tujhe to KHuda na mang

hum ne tujhe hamesha sar aankhon pe hai rakha

ghairon ke dil mein apne liye tu jagah na mang

wo hai sabab maraz ka miyan chaaragar nahin

us zahr dene wale se koi dawa na mang

jo de raha hai gham wahi KHushiyon ki wajh tha

us ke liye KHuda se koi bhi saza na mang

nazron se mai pilana to ehsan tha tera

mujh se koi hisab mere saqiya na mang

dariya mein tu baha de sabhi nekiyan 'amit'

achchhaiyon ka apni kisi se sila na mang