is shoKH-e-ram-shiar se kahta salam-e-shauq

is shoḳh-e-ram-shi.ār se kahtā salām-e-shauq

qāsid yahī hai aaj hamārā payām-e-shauq

tā.īd-e-ġhaib tāle-e-farḳhanda kī madad

vo ishva-sanj aaj huā ham-kalām-e-shauq

qāsid kiyā hai ahd jo īfā-e-ahd kā

sub.h-umīd-e-vasl huī apnī shām-e-shauq

kyā muttasil ho yaar talavvun hai tab.a meñ

ye der-pā kahāñ hai tumhārā qayām-e-shauq

madd-e-nazar jo hai vo hameñ āshkār ho

ai jazb-e-dil-navāz madār-ul-mahām-e-shauq

majzūb-e-ishtiyāq haiñ mast-e-mai-jamāl

roz-e-nuḳhust se hai ye sharb-e-mudām-e-shauq

be-rāh jā rahā hai tujhe kuchh ḳhabar nahīñ

kis pher meñ paḌā hai batā harzā-gām-e-ishq

is kaif-e-zauq-o-shauq meñ tasvīr-e-yār hai

farruḳh-sarosh ne ye diyā hai payām-e-shauq

taufīq kā hai faiz nigāh-e-dalīl-e-rāh

ham ko milā hai ġhaib se kās-ul-kirām-e-shauq

'sāqī' vo dekh shāhid-e-mai-nosh aa gayā

labrez hai ye shā.eq-e-nazzāra jām-e-shauq

is shoKH-e-ram-shiar se kahta salam-e-shauq

qasid yahi hai aaj hamara payam-e-shauq

taid-e-ghaib tale-e-farKHanda ki madad

wo ishwa-sanj aaj hua ham-kalam-e-shauq

qasid kiya hai ahd jo ifa-e-ahd ka

subh-umid-e-wasl hui apni sham-e-shauq

kya muttasil ho yar talawwun hai taba mein

ye der-pa kahan hai tumhaara qayam-e-shauq

madd-e-nazar jo hai wo hamein aashkar ho

ai jazb-e-dil-nawaz madar-ul-maham-e-shauq

majzub-e-ishtiyaq hain mast-e-mai-jamal

roz-e-nuKHust se hai ye sharb-e-mudam-e-shauq

be-rah ja raha hai tujhe kuchh KHabar nahin

kis pher mein paDa hai bata harza-gam-e-ishq

is kaif-e-zauq-o-shauq mein taswir-e-yar hai

farruKH-sarosh ne ye diya hai payam-e-shauq

taufiq ka hai faiz nigah-e-dalil-e-rah

hum ko mila hai ghaib se kas-ul-kiram-e-shauq

'saqi' wo dekh shahid-e-mai-nosh aa gaya

labrez hai ye shaeq-e-nazzara jam-e-shauq