is sulagte shahr mein sae kahan

is sulagte shahr meñ saa.e kahāñ

barf kī sil dhuup meñ jaa.e kahāñ

ābla-pā.ī hai jaltī ret hai

is zamīñ ke sar pe ab saa.e kahāñ

vo palaT aa.egā duniyā dekh kar

koī us kī khoj meñ jaa.e kahāñ

ḳhuun ubaltā hai jahāñ khodo zamīñ

ghar kaho vo shaḳhs banvā.e kahāñ

tazkire jis ke haiñ saare shahr meñ

koī us ko ham se milvā.e kahāñ

jo khule mausam meñ bhī miltā nahīñ

bārishoñ meñ mere ghar aa.e kahāñ

jo huā apnī anā se ḳhud halāk

qatl-gāhoñ se vo ghabrā.e kahāñ

is sulagte shahr mein sae kahan

barf ki sil dhup mein jae kahan

aabla-pai hai jalti ret hai

is zamin ke sar pe ab sae kahan

wo palaT aaega duniya dekh kar

koi us ki khoj mein jae kahan

KHun ubalta hai jahan khodo zamin

ghar kaho wo shaKHs banwae kahan

tazkire jis ke hain sare shahr mein

koi us ko hum se milwae kahan

jo khule mausam mein bhi milta nahin

barishon mein mere ghar aae kahan

jo hua apni ana se KHud halak

qatl-gahon se wo ghabrae kahan