is tag-o-dau ne aaKHirash mujhko niDhaal kar diya

is tag-o-dau ne āḳhirash mujh ko niDhāl kar diyā

jiine ke ehtimām ne jiinā muhāl kar diyā

ab ham asīr-e-zulf haiñ kis ke kisī ko kyā ġharaz

us ne to apnī qaid se ham ko bahāl kar diyā

bazm-e-tarab sajā.eñ kyā ab ham hañseñ hañsā.eñ kyā

tum ne to ham ko jān-e-jāñ vaqf-e-malāl kar diyā

sher o suḳhan kā ik hunar rakhte the ham so shukr hai

kuchh dil kī baat kah sake kuchh arz-e-hāl kar diyā

kuchh ishq vishq ho gayā kuchh sher ver kah liye

karne kā koī kaam to 'rāshid' jamāl kar diyā

is tag-o-dau ne aaKHirash mujh ko niDhaal kar diya

jine ke ehtimam ne jina muhaal kar diya

ab hum asir-e-zulf hain kis ke kisi ko kya gharaz

us ne to apni qaid se hum ko bahaal kar diya

bazm-e-tarab sajaen kya ab hum hansen hansaen kya

tum ne to hum ko jaan-e-jaan waqf-e-malal kar diya

sher o suKHan ka ek hunar rakhte the hum so shukr hai

kuchh dil ki baat kah sake kuchh arz-e-haal kar diya

kuchh ishq wishq ho gaya kuchh sher wer kah liye

karne ka koi kaam to 'rashid' jamal kar diya