is tarah baiThe ho kyun be-zar se

is tarah baiThe ho kyuuñ be-zār se

bhar gayā dil rāhat-e-dīdār se

ashk kyā Dhalkā tire ruḳhsār se

gir paḌā huuñ jaise maiñ kohsār se

dar khulā to merī hī jānib khulā

sar paTaḳhtā rah gayā dīvār se

ek din ḳhāmosh ho kar dekhiye

lutf gar uThne lage takrār se

dekh lo ye zard āñkheñ ḳhushk hoñT

pūchhte ho haal kyā bīmār se

qadr kījiye faiz jis jis se mile

sāya-e-dīvār hai dīvār se

kal mubādā ho yahāñ vīrāniyāñ

Dar rahā huuñ garmī-e-bāzār se

jhuuT chaltā hai magar ik aadh baar

ai qasīda-ḳhvāñ hazar takrār se

bik rahī hai zindagī ke mol maut

jā.iye le aa.iye bāzār se

māñgte haiñ vote is par tantana

pech-o-ḳham nikle nahīñ dastār se

band kar T v kī ḳhabreñ be-ḳhabar

chal koī column sunā aḳhbār se

dostī kī mahfileñ qaa.em raheñ

ye duā hai apnī pālanhār se

tujh meñ 'ahmad' aib haiñ lākhoñ magar

vāsta hai terā kis sattār se

is tarah baiThe ho kyun be-zar se

bhar gaya dil rahat-e-didar se

ashk kya Dhalka tere ruKHsar se

gir paDa hun jaise main kohsar se

dar khula to meri hi jaanib khula

sar paTaKHta rah gaya diwar se

ek din KHamosh ho kar dekhiye

lutf gar uThne lage takrar se

dekh lo ye zard aankhen KHushk honT

puchhte ho haal kya bimar se

qadr kijiye faiz jis jis se mile

saya-e-diwar hai diwar se

kal mubaada ho yahan viraniyan

Dar raha hun garmi-e-bazar se

jhuT chalta hai magar ek aadh bar

ai qasida-KHwan hazar takrar se

bik rahi hai zindagi ke mol maut

jaiye le aaiye bazar se

mangte hain wote is par tantana

pech-o-KHam nikle nahin dastar se

band kar T w ki KHabren be-KHabar

chal koi column suna aKHbar se

dosti ki mahfilen qaem rahen

ye dua hai apni palanhaar se

tujh mein 'ahmad' aib hain lakhon magar

wasta hai tera kis sattar se