is tarah dil mein teri yaad ke paikar aae

is tarah dil meñ tirī yaad ke paikar aa.e

jaise ujḌī huī bastī meñ payambar aa.e

zaat ke ġham the ki hālāt ke jalte saa.e

baḌhte baḌhte jo mire qad ke barābar aa.e

oḌh lī maiñ ne tirī yaad kī chādar ai dost

jab bhī sar par mire hālāt ke patthar aa.e

kabhī aisā bhī ho dil meñ ye ḳhayāl aatā hai

zaḳhm auroñ ke lage aañkh mirī bhar aa.e

jin ko iḳhlās kā da.avā thā vahī dost mire

āstīnoñ meñ chhupā.e hue ḳhanjar aa.e

apnī āñkhoñ meñ savālāt kī bauchhār liye

kitne chehre mire maazī se nikal kar aa.e

kyā batā.ūñ ki dar-e-zehn se shahr-e-dil tak

kitne biite hue lamhāt ke lashkar aa.e

muskurā.ūñ maiñ hālāt kā mujrim kahlā.ūñ

ro.uuñ to shikvoñ kā ilzām mire sar aa.e

haq kī rāhoñ meñ qadam jab bhī baḌhe haiñ 'ḳhusrav'

raah dikhlāne mujhe raah ke patthar aa.e

is tarah dil mein teri yaad ke paikar aae

jaise ujDi hui basti mein payambar aae

zat ke gham the ki haalat ke jalte sae

baDhte baDhte jo mere qad ke barabar aae

oDh li main ne teri yaad ki chadar ai dost

jab bhi sar par mere haalat ke patthar aae

kabhi aisa bhi ho dil mein ye KHayal aata hai

zaKHm auron ke lage aankh meri bhar aae

jin ko iKHlas ka dawa tha wahi dost mere

aastinon mein chhupae hue KHanjar aae

apni aankhon mein sawalat ki bauchhaar liye

kitne chehre mere mazi se nikal kar aae

kya bataun ki dar-e-zehn se shahr-e-dil tak

kitne bite hue lamhat ke lashkar aae

muskuraun main haalat ka mujrim kahlaun

roun to shikwon ka ilzam mere sar aae

haq ki rahon mein qadam jab bhi baDhe hain 'KHusraw'

rah dikhlane mujhe rah ke patthar aae