is tarah mujh pe meri zist ke asbab khule

is tarah mujh pe mirī ziist ke asbāb khule

ḳhvāb jab mar ga.e tā'bīr ke abvāb khule

shukriya sā’at-e-dushvār tavassut se tire

der se hī sahī mujh par mire ahbāb khule

baa'd muddat ke use dekhā to yuuñ chain milā

Dūbtī saañs koī jaise sar-e-āb khule

ai mire yūsuf-e-be-mehr mirī āñkhoñ par

do ghaḌī hī sahī terā ruḳh-e-mahtāb khule

kaise hālāt meñ vo shaḳhs milā hai mujh ko

kaun sī 'umr meñ aa kar ye mire ḳhvāb khule

dasht-e-duniyā meñ mujhe dashna-e-iflās 'adīl'

us ghaḌī aan lagā jab par-e-surḳhāb khule

is tarah mujh pe meri zist ke asbab khule

KHwab jab mar gae ta'bir ke abwab khule

shukriya sa’at-e-dushwar tawassut se tere

der se hi sahi mujh par mere ahbab khule

ba'd muddat ke use dekha to yun chain mila

Dubti sans koi jaise sar-e-ab khule

ai mere yusuf-e-be-mehr meri aankhon par

do ghaDi hi sahi tera ruKH-e-mahtab khule

kaise haalat mein wo shaKHs mila hai mujh ko

kaun si 'umr mein aa kar ye mere KHwab khule

dasht-e-duniya mein mujhe dashna-e-iflas 'adil'

us ghaDi aan laga jab par-e-surKHab khule