اس طرح وہ دھیان میرا کھینچتا ہے

اس طرح وہ دھیان میرا کھینچتا ہے

جس طرح پیسے کو پیسہ کھینچتا ہے

میں ارادہ تو نہیں کرتا سفر کا

کیا کریں کشتی کو دریا کھینچتا ہے

جس قدر خوش لگ رہے ہیں ہیں نہیں ہم

یہ تو تو تصویر بڑھیا کھینچتا ہے

پہلے تو باہوں میں بھرتا ہے وہ مجھ کو

اور پھر دھیمے سے پردہ کھینچتا ہے

جو موذن بن گیا تھا تیرے دل کا

آج وہ مندر میں قشقہ کھینچتا ہے

روکتی ہے بے سفر لوگوں کو دہلیز

راہگیروں کو تماشہ کھینچتا ہے

سرحدیں بنتی بگڑ جاتی ہیں ہرشتؔ

جب کوئی کاغذ پہ نقشہ کھینچتا ہے