is tera sarzamin se misal-e-qamar chalo

is tiira sarzamīñ se misāl-e-qamar chalo

dekho farāz-e-nūr-o-nasheb-e-safar chalo

bāñheñ uThā.e yaad koī dil-navāz yaad

tum ko pukārtī hai sar-e-rahguzar chalo

dekho vo karbalā-e-tamanna hai us taraf

sahrā lahū lahū hai chalo be-ḳhatar chalo

āñkhoñ meñ aarzū ke jalāte raho charāġh

tārīkiyoñ se nuur ugaao magar chalo

kohrām ḳhvāhishoñ kā bapā hai qadam qadam

apnī matā-e-dard liye soch kar chalo

har manzar-e-hayāt yahāñ hai shafaq shafaq

rang-e-hinā se tum na bachā kar nazar chalo

shā.ista-e-bahār hai har manzar-e-ḳhizāñ

naġhmoñ kā shāmiyāna saje naġhma-gar chalo

maiñ shauq-e-nā-tamām huuñ ik husn-e-nā-tamām

mere liye karo na kabhī aañkh tar chalo

is tera sarzamin se misal-e-qamar chalo

dekho faraaz-e-nur-o-nasheb-e-safar chalo

banhen uThae yaad koi dil-nawaz yaad

tum ko pukarti hai sar-e-rahguzar chalo

dekho wo karbala-e-tamanna hai us taraf

sahra lahu lahu hai chalo be-KHatar chalo

aankhon mein aarzu ke jalate raho charagh

tarikiyon se nur ugao magar chalo

kohram KHwahishon ka bapa hai qadam qadam

apni mata-e-dard liye soch kar chalo

har manzar-e-hayat yahan hai shafaq shafaq

rang-e-hina se tum na bacha kar nazar chalo

shaista-e-bahaar hai har manzar-e-KHizan

naghmon ka shamiyana saje naghma-gar chalo

main shauq-e-na-tamam hun ek husn-e-na-tamam

mere liye karo na kabhi aankh tar chalo