is ujDe shahr ke aasar tak nahin pahunche

is ujḌe shahr ke āsār tak nahīñ pahuñche

muarriḳhīn dil-e-zār tak nahīñ pahuñche

tamām umr masāfat meñ kaT ga.ī apnī

magar hanūz dar-e-yār tak nahīñ pahuñche

paTī paḌī haiñ taheñ soch ke samundar kī

ka.ī guhar lab-e-iz.hār tak nahīñ pahuñche

ka.ī tarāshne ke darmiyān TuuT ga.e

tamām sañg to shahkār tak nahīñ pahuñche

tamām gulshan-e-imkāñ nisār hai tujh par

magar vo phuul jo mahkār tak nahīñ pahuñche

ham apne ahd ke yūsuf zarūr haiñ lekin

kuñ.eñ meñ qaid haiñ bāzār tak nahīñ pahuñche

'amīr' ham ne salīboñ kā intiḳhāb kiyā

magar kabhī kisī darbār tak nahīñ pahuñche

is ujDe shahr ke aasar tak nahin pahunche

muarriKHin dil-e-zar tak nahin pahunche

tamam umr masafat mein kaT gai apni

magar hanuz dar-e-yar tak nahin pahunche

paTi paDi hain tahen soch ke samundar ki

kai guhar lab-e-izhaar tak nahin pahunche

kai tarashne ke darmiyan TuT gae

tamam sang to shahkar tak nahin pahunche

tamam gulshan-e-imkan nisar hai tujh par

magar wo phul jo mahkar tak nahin pahunche

hum apne ahd ke yusuf zarur hain lekin

kunen mein qaid hain bazar tak nahin pahunche

'amir' hum ne salibon ka intiKHab kiya

magar kabhi kisi darbar tak nahin pahunche