is waste adu ko gawara nahin tha main

is vāste adū ko gavārā nahīñ thā maiñ

maarā gayā thā jang meñ haarā nahīñ thā maiñ

mujh se hī mujh ko vaqt ne tafrīq kar diyā

jo tere sāmne thā vo saarā nahīñ thā maiñ

maiñ tere choñchaloñ pe anā kaise bechtā

ai zindagī ġhulām tumhārā nahīñ thā maiñ

pahlū meñ ho jo dil to zarā pūchh kar batā

kal tak tumhārī aañkh kā taarā nahīñ thā maiñ

us shaḳhs se nibāh tirā kyoñ na ho sakā

jis kī vajah se tujh ko gavāra nahīñ thā maiñ

dil hī mirā 'nasīr' baġhāvat pe tul gayā

bāhar ke dushmanoñ se to haarā nahīñ thā maiñ

is waste adu ko gawara nahin tha main

mara gaya tha jang mein haara nahin tha main

mujh se hi mujh ko waqt ne tafriq kar diya

jo tere samne tha wo sara nahin tha main

main tere chonchalon pe ana kaise bechta

ai zindagi ghulam tumhaara nahin tha main

pahlu mein ho jo dil to zara puchh kar bata

kal tak tumhaari aankh ka tara nahin tha main

us shaKHs se nibah tera kyon na ho saka

jis ki wajah se tujh ko gawara nahin tha main

dil hi mera 'nasir' baghawat pe tul gaya

bahar ke dushmanon se to haara nahin tha main