is waste niklun hun tere kuche se bach bach

is vāste niklūñ huuñ tire kūche se bach bach

har ek machātā hai mujhe dekh ke kach-kach

nairañgī-e-qudrat kā vahī diid kare hai

paanī kī tarah ho jo har ik rañg meñ rach-rach

sar par se to mandīl ko ab duur kar ai shaiḳh

gardan tirī is bojh se ab kartī hai lach-lach

nādān hai aisā ki jo dushman mire haq meñ

jhūTī use kahte haiñ to vo jaane hai sach sach

maktab meñ jo kī sair to dekhā ye tamāshā

mullā ke bhī shāgird haiñ murġhe ke se kach-kach

zar hove to ma.ashūq bhī haath aave hai 'hātim'

muflis abas is fikr meñ jī deve hai nach-nach

is waste niklun hun tere kuche se bach bach

har ek machata hai mujhe dekh ke kach-kach

nairangi-e-qudrat ka wahi did kare hai

pani ki tarah ho jo har ek rang mein rach-rach

sar par se to mandil ko ab dur kar ai shaiKH

gardan teri is bojh se ab karti hai lach-lach

nadan hai aisa ki jo dushman mere haq mein

jhuTi use kahte hain to wo jaane hai sach sach

maktab mein jo ki sair to dekha ye tamasha

mulla ke bhi shagird hain murghe ke se kach-kach

zar howe to mashuq bhi hath aawe hai 'hatim'

muflis abas is fikr mein ji dewe hai nach-nach