is waste wo qabil-e-dastar nahin tha

is vāste vo qābil-e-dastār nahīñ thā

vo shaḳhs kisī shahr kā sardār nahīñ thā

manzar ye mirī aañkh ne dekhe haiñ lagātār

dīvār to thī sāya-e-dīvār nahīñ thā

patthar thā mohabbat ko nahīñ jaan sakā vo

vo shaḳhs to hargiz mirā dildār nahīñ thā

jaanā hai hameñ lauT ke hargiz nahīñ ruknā

kyā ham ne batāyā tumheñ sau baar nahīñ thā

hālāt hī aise the bane hijr ke qaidī

chāhat se magar aap kī inkār nahīñ thā

maiñ ḳhāna-ba-doshoñ kī tarah ghuum rahī thī

duniyā meñ kisī se bhī mujhe pyaar nahīñ thā

aatī hī nahīñ us ko mirī yaad bhī 'zebī'

rasta to mire gaañv kā dushvār nahīñ thā

is waste wo qabil-e-dastar nahin tha

wo shaKHs kisi shahr ka sardar nahin tha

manzar ye meri aankh ne dekhe hain lagatar

diwar to thi saya-e-diwar nahin tha

patthar tha mohabbat ko nahin jaan saka wo

wo shaKHs to hargiz mera dildar nahin tha

jaana hai hamein lauT ke hargiz nahin rukna

kya hum ne bataya tumhein sau bar nahin tha

haalat hi aise the bane hijr ke qaidi

chahat se magar aap ki inkar nahin tha

main KHana-ba-doshon ki tarah ghum rahi thi

duniya mein kisi se bhi mujhe pyar nahin tha

aati hi nahin us ko meri yaad bhi 'zebi'

rasta to mere ganw ka dushwar nahin tha