is zamane mein na ho kyunkar hamara dil udas

is zamāne meñ na ho kyūñkar hamārā dil udaas

dekh kar ahvāl-e-ālam uḌte jaate haiñ havās

bas rahā hai bū se terī jān-e-man aisā dimāġh

be-dimāġh ham ko rakhe hai baaġh meñ phūloñ kī baas

jis taraf jaave tū ai ḳhurshīd-rū saaye kī tarah

har qadam maiñ bhī huuñ tere saath saath aur paas paas

tishnagī se chaah kī terī nahīñ sairāb dil

hai masal mash.hūr mustasqī kī na.iiñ bujhtī hai pyaas

haq se milnā gerve kapḌoñ upar mauqūf na.iiñ

dil ke ta.iiñ rañgo faqīrī ye hai aur sab hai libās

juuñ juuñ tū sāġhar piye hai ġhair kī majlis ke biich

tuuñ tuuñ ai bad-mast dil meñ mere aatā hai hirās

kunah zāt-e-haq ko kyā paave koī 'hātim' kabhū

sab ke aajiz haiñ yahāñ vahm-o-gumāñ fahm o qayās

is zamane mein na ho kyunkar hamara dil udas

dekh kar ahwal-e-alam uDte jate hain hawas

bas raha hai bu se teri jaan-e-man aisa dimagh

be-dimagh hum ko rakhe hai bagh mein phulon ki bas

jis taraf jawe tu ai KHurshid-ru saye ki tarah

har qadam main bhi hun tere sath sath aur pas pas

tishnagi se chah ki teri nahin sairab dil

hai masal mashhur mustasqi ki nain bujhti hai pyas

haq se milna gerwe kapDon upar mauquf nain

dil ke tain rango faqiri ye hai aur sab hai libas

jun jun tu saghar piye hai ghair ki majlis ke bich

tun tun ai bad-mast dil mein mere aata hai hiras

kunah zat-e-haq ko kya pawe koi 'hatim' kabhu

sab ke aajiz hain yahan wahm-o-guman fahm o qayas