ise manzur nahin chhoD jhagaDta kya hai

ise manzūr nahīñ chhoḌ jhagaḌtā kyā hai

dil hī kam-māya hai apnā to akaḌtā kyā hai

apne so.e hue sūraj kī ḳhabar le jā kar

is kamīñ-gāh meñ kirnoñ ko pakaḌtā kyā hai

jāntā hai ki utar jā.egī dil meñ mirī baat

varna sun le tū batā terā bigaḌtā kyā hai

shabnam-e-tāza hai ye phuul haiñ yā pate haiñ

dekh shāḳh-e-shajar-e-shām se jhaḌtā kyā hai

do qadam hai shab-e-ġham se shab-e-vāda ai dil

chand aahoñ ke sivā raah meñ paḌtā kyā hai

dil to bharpūr samundar hai 'zafar' kyā kiije

do ghaḌī baiTh ke rone se nabaḌtā kyā hai

ise manzur nahin chhoD jhagaDta kya hai

dil hi kam-maya hai apna to akaDta kya hai

apne soe hue suraj ki KHabar le ja kar

is kamin-gah mein kirnon ko pakaDta kya hai

jaanta hai ki utar jaegi dil mein meri baat

warna sun le tu bata tera bigaDta kya hai

shabnam-e-taza hai ye phul hain ya pate hain

dekh shaKH-e-shajar-e-sham se jhaDta kya hai

do qadam hai shab-e-gham se shab-e-wada ai dil

chand aahon ke siwa rah mein paDta kya hai

dil to bharpur samundar hai 'zafar' kya kije

do ghaDi baiTh ke rone se nabaDta kya hai