ishq aa hum sun kiya jab ram ram

ishq aa ham suuñ kiyā jab raam raam

ham kisī haajī ko nahiñ karte salām

majlis-e-rindāñ meñ zāhid nahiñ sunā

hai sabaq avval vahāñ kā jaam jaam

gar ḳhalāsī hashr kī mañgtā hai tū

riñdgī ke pī mai-e-gulfām faam

pūchhtā hai kyā hamāre ramz ko

be-samajh be-ishq zāhid ḳhaam ḳhaam

gar dikhā deñ yaar ke kākul kā taar

sub.h ko aalam kahegā shaam shaam

āshiqī ke mohkme meñ haiñ nikāt

jān-o-tan aur aql-o-dil sab daam daam

ai 'alīmullāh' zāhid ko latāḌ

fāzilāñ meñ ḳhush machāyā dhūm-dhām

ishq aa hum sun kiya jab ram ram

hum kisi haji ko nahin karte salam

majlis-e-rindan mein zahid nahin suna

hai sabaq awwal wahan ka jam jam

gar KHalasi hashr ki mangta hai tu

rindgi ke pi mai-e-gulfam fam

puchhta hai kya hamare ramz ko

be-samajh be-ishq zahid KHam KHam

gar dikha den yar ke kakul ka tar

subh ko aalam kahega sham sham

aashiqi ke mohkme mein hain nikat

jaan-o-tan aur aql-o-dil sab dam dam

ai 'alimullah' zahid ko lataD

fazilan mein KHush machaya dhum-dham