ishq-e-but mein kufr ka mujhko adab karna paDa

ishq-e-but meñ kufr kā mujh ko adab karnā paḌā

jo brahman ne kahā āḳhir vo sab karnā paḌā

sabr karnā furqat-e-mahbūb meñ samjhe the sahl

khul gayā apnī samajh kā haal jab karnā paḌā

tajrabe ne hubb-e-duniyā se sikhāyā ehtirāz

pahle kahte the faqat muñh se aur ab karnā paḌā

shaiḳh kī majlis meñ bhī muflis kī kuchh pursish nahīñ

diin kī ḳhātir se duniyā ko talab karnā paḌā

kyā kahūñ be-ḳhud huā maiñ kis nigāh-e-mast se

'aql ko bhī merī hastī kā adab karnā paḌā

iqtizā fitrat kā ruktā hai kahīñ ai ham-nashīñ

shaiḳh-sāhib ko bhī āḳhir kār-e-shab karnā paḌā

'ālam-e-hastī ko thā madd-e-nazar katmān-e-rāz

ek shai ko dūsrī shai kā sabab karnā paḌā

she'r ġhairoñ ke use mutlaq nahīñ aa.e pasand

hazrat-e-'akbar' ko bil-āḳhir talab karnā paḌā

ishq-e-but mein kufr ka mujh ko adab karna paDa

jo brahman ne kaha aaKHir wo sab karna paDa

sabr karna furqat-e-mahbub mein samjhe the sahl

khul gaya apni samajh ka haal jab karna paDa

tajrabe ne hubb-e-duniya se sikhaya ehtiraaz

pahle kahte the faqat munh se aur ab karna paDa

shaiKH ki majlis mein bhi muflis ki kuchh pursish nahin

din ki KHatir se duniya ko talab karna paDa

kya kahun be-KHud hua main kis nigah-e-mast se

'aql ko bhi meri hasti ka adab karna paDa

iqtiza fitrat ka rukta hai kahin ai ham-nashin

shaiKH-sahib ko bhi aaKHir kar-e-shab karna paDa

'alam-e-hasti ko tha madd-e-nazar katman-e-raaz

ek shai ko dusri shai ka sabab karna paDa

she'r ghairon ke use mutlaq nahin aae pasand

hazrat-e-'akbar' ko bil-aKHir talab karna paDa