ishq-e-junun-nawaz ko sarshaar dekhna

ishq-e-junūñ-navāz ko sarshār dekhnā

har dard ko hai lazzat-e-āzār dekhnā

apnī nazar hai auj-e-surayyā se bhī buland

har kam-nazar ko zīnat-e-dīvār dekhnā

kis kis ke naam aa.egā parvāna-e-ajal

maqtal banā hai kūcha-e-dildār dekhnā

rangīñ-qabā ye phuul to kyā is se fā.eda

uryāñ hai zer-e-shāḳh har ik ḳhaar dekhnā

the jitne haq-parast vahī ho ga.e shahīd

ik ham hī rah ga.e haiñ sar-e-dār dekhnā

āshiq hai apne aap pe vo nāznīñ 'nishāt'

sahbā-e-ahmarīñ ko qadah-ḳhvār dekhnā

ishq-e-junun-nawaz ko sarshaar dekhna

har dard ko hai lazzat-e-azar dekhna

apni nazar hai auj-e-surayya se bhi buland

har kam-nazar ko zinat-e-diwar dekhna

kis kis ke nam aaega parwana-e-ajal

maqtal bana hai kucha-e-dildar dekhna

rangin-qaba ye phul to kya is se faeda

uryan hai zer-e-shaKH har ek KHar dekhna

the jitne haq-parast wahi ho gae shahid

ek hum hi rah gae hain sar-e-dar dekhna

aashiq hai apne aap pe wo naznin 'nishat'

sahba-e-ahmarin ko qadah-KHwar dekhna