ishq-e-nakaam ka dastur tumhein kya malum

ishq-e-nākām kā dastūr tumheñ kyā ma.alūm

tum ho us se had bahut duur tumheñ kyā ma.alūm

ġham kī duniyā se ho tum duur tumheñ kyā ma.alūm

aah kyoñ karte haiñ majbūr tumheñ kyā ma.alūm

zaḳhm-e-dil ḳhūgar-e-āzār kā baḌhte baḌhte

kis tarah bantā hai nāsūr tumheñ kyā ma.alūm

ḳhatm hone ko hai hañgāma-e-tūfān-e-hayāt

dard kyoñ hotā hai kāfūr tumheñ kyā ma.alūm

ishq-e-sar-josh ne kyā dil pe sitam toḌe haiñ

nashsha-e-husn se ho chuur tumheñ kyā ma.alūm

tum alag ho ga.e parde se girā kar bijlī

kis pe kyā guzrī sar-e-tūr tumheñ kyā ma.alūm

apne sheroñ meñ adā karke tumhārī shoḳhī

ho gayā 'jurm' bhī mash.hūr tumheñ kyā ma.alūm

ishq-e-nakaam ka dastur tumhein kya malum

tum ho us se had bahut dur tumhein kya malum

gham ki duniya se ho tum dur tumhein kya malum

aah kyon karte hain majbur tumhein kya malum

zaKHm-e-dil KHugar-e-azar ka baDhte baDhte

kis tarah banta hai nasur tumhein kya malum

KHatm hone ko hai hangama-e-tufan-e-hayat

dard kyon hota hai kafur tumhein kya malum

ishq-e-sar-josh ne kya dil pe sitam toDe hain

nashsha-e-husn se ho chur tumhein kya malum

tum alag ho gae parde se gira kar bijli

kis pe kya guzri sar-e-tur tumhein kya malum

apne sheron mein ada karke tumhaari shoKHi

ho gaya 'jurm' bhi mashhur tumhein kya malum