ishq-e-ruKH-o-zulf mein kiya kuch

ishq-e-ruḳh-o-zulf meñ kiyā kuuch

shab aa ke rahā sahar kiyā kuuch

ḳhayyāt-e-nafas kā hai bajā kuuch

darzī kā hai kyā maqām kyā kuuch

jab mauj-e-ravāñ kahīñ na Thahrī

dam le ke habāb kar gayā kuuch

har-dam hai ravā na umr-e-insāñ

har ek nafas hai kar rahā kuuch

parvāna jalā to sham.a bolī

terā hai udhar idhar mirā kuuch

vo sozan-e-sā.at-e-ravāñ huuñ

kartī hai jo har minute sadā kuuch

ghuñghrū dam-e-naz.a boltā hai

āvāz jaras ne dī huā kuuch

ham saath the pā-shikasta jis ke

lashkar vo jahāñ se kar gayā kuuch

shab-bhar hai faroġh-e-sho.ala ai 'shād'

hañgām-e-sahar hai sham.a kā kuuch

ishq-e-ruKH-o-zulf mein kiya kuch

shab aa ke raha sahar kiya kuch

KHayyat-e-nafas ka hai baja kuch

darzi ka hai kya maqam kya kuch

jab mauj-e-rawan kahin na Thahri

dam le ke habab kar gaya kuch

har-dam hai rawa na umr-e-insan

har ek nafas hai kar raha kuch

parwana jala to shama boli

tera hai udhar idhar mera kuch

wo sozan-e-saat-e-rawan hun

karti hai jo har minute sada kuch

ghunghru dam-e-naza bolta hai

aawaz jaras ne di hua kuch

hum sath the pa-shikasta jis ke

lashkar wo jahan se kar gaya kuch

shab-bhar hai farogh-e-shoala ai 'shad'

hangam-e-sahar hai shama ka kuch