ishq-e-sadiq jo asir-e-tama-e-KHam na tha

ishq-e-sādiq jo asīr-e-tama-e-ḳhām na thā

sa.ī-e-nākām ke ġham se mujhe kuchh kaam na thā

tuur ke lutf-e-ḳhusūsī kī qasam pahle bhī

mere dil par asar-e-jalva-gah-e-ām na thā

dost ke husn-e-tavajjoh se nahīñ shādāb tak

nigah-e-ġham-zada meñ kyā koī paiġhām na thā

hasrat-e-ḳhūñ-shuda har aan na.ī shaan meñ thī

rañg jo sub.h ko dekhā vo sar-e-shām na thā

dil-lagī ham se kiye jaate haiñ kyuuñ aish pasand

kyā yahāñ soḳhta kāmoñ kā koī kaam na thā

jāntā thā jise apnī usī mahfil meñ gayā

jā ke ġhairoñ kī tarah muntazir-e-jām na thā

mai-gusārī ke liye mil ga.e ham-zauq bahut

ġham-gusārī ke liye koī bhī ham-kām na thā

is zamāne meñ bhī ilhām hai 'manzūr' kā sher

maiñ kisī daur meñ hasrat-kash-e-ilhām na thā

ishq-e-sadiq jo asir-e-tama-e-KHam na tha

sai-e-nakaam ke gham se mujhe kuchh kaam na tha

tur ke lutf-e-KHususi ki qasam pahle bhi

mere dil par asar-e-jalwa-gah-e-am na tha

dost ke husn-e-tawajjoh se nahin shadab tak

nigah-e-gham-zada mein kya koi paigham na tha

hasrat-e-KHun-shuda har aan nai shan mein thi

rang jo subh ko dekha wo sar-e-sham na tha

dil-lagi hum se kiye jate hain kyun aish pasand

kya yahan soKHta kaamon ka koi kaam na tha

jaanta tha jise apni usi mahfil mein gaya

ja ke ghairon ki tarah muntazir-e-jam na tha

mai-gusari ke liye mil gae ham-zauq bahut

gham-gusari ke liye koi bhi ham-kaam na tha

is zamane mein bhi ilham hai 'manzur' ka sher

main kisi daur mein hasrat-kash-e-ilham na tha